ALFA TV - Свет - Во Украина формирана нова владејачка коалиција

Свет

Share |

Во Украина формирана нова владејачка коалиција

четврток, 11 март 2010, 10:53

Во украинскиот Парламент е формирана нова владејачка коалиција пратеници, која се очекува да ја назначи кандидатурата за нов премиер на местото на Јулија Тимошенко.

Претседателот на Парламентот Володимир Литвин го објави денеска во Врховната рада формирањето на новото парламентарно мнозинство. Потписите под коалицискиот договор ставија 235 пратеници при потребните 226 гласови.

Во составот на коалицијата влегуваат фракциите на Партијата на регионите на новиот претседател Виктор Јанукович, Комунистичката партија и група независни пратеници. Јанукович стапи на должност на 25 февруари, а на 2 март беше објавено распуштањето на коалицијата на чело со Блокот на Јулија Тимошенко и оставката на Кабинетот беше изгласана наредниот ден.

Вчера Јанукович потпиша указ за измени во регулативите на Врховната рада, кои дозволуваат на пратеници надвор од парламентарните групи да влегуваат во коалиција, формирана од фракциите.

Претседателот лично се обрати кон Уставниот суд со барање неодложно да даде оценка на документот, така што веднаш да се пристапи кон составување на нова коалиција на мнозинството, која што ќе назначи премиер.

Се очекува за местото да биде посочен поранешниот министер за финансии 62-годишниот Микола Азаров, близок сојузник на Јанукович.