ALFA TV - Свет - Конгресот на САД одобри пари за зголемување на трупите во Авганистан

Свет

Share |

Конгресот на САД одобри пари за зголемување на трупите во Авганистан

петок, 30 јули 2010, 12:00

Американскиот Претставнички дом, по наредбата на претседателот Барак Обама, одобри мерка во висина од 59 милијарди долари за трошоците за зголемување на бројот на војниците во Авганистан, јави Гласот на Америка на македонски јазик.

Со 308 гласови „за“ и 114 „против“ законодавците ја усвоија легислативата што треба да замине на потпис кај претседателот. Во мерката се вклучени 37 милијарди долари за трошоци поврзани со испраќањето на дополнителни 30.000 трупи во Авганистан и финансирање на други издатоци во Ирак. Сенатот веќе ја усвои оваа легислатива.

Конгресот од 2001 година досега има одобрено преку еден трилион долари за двете војни.

Преку 100 демократи гласаа против мерката. Одредени демократски законодавци рекоа дека обелоденувањето на илјадници документи на Пентагон од страна на веб-страницата „Викиликс“, го вратило нивниот скептицизам за напредокот на војната во Авганистан. Од друга страна, мерката наиде на голема поддршка кај републиканците. „Против“ гласаа само 12 републиканци.